കവിത

മഹാപ്രളയത്തിലെ മോഷ്ടാക്കൾ

മഹാപ്രളയത്തിൽ രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് ആദരപൂര്‍വ്വം ഒരു ചെറിയ കവിത.
മഹാപ്രളയത്തിൽ രക്ഷാപ്രവര്‍ത്തനം നടത്തിയ മത്സ്യത്തൊഴിലാളികള്‍ക്ക് ആദരപൂര്‍വ്വം.

ലൈഫ് ജാക്കറ്റില്ല, കുടയില്ല,
ഉടുപ്പുപോലുമില്ലാതെ
അര്‍ദ്ധനഗ്നരായി വന്നു.
എല്ലാമുള്ളവരെ കരയിലെത്തിച്ചു,
ജീവന്‍ രക്ഷിച്ചു.

ആരോടും പറയാതെ,
ഒന്നും എടുക്കാതെ
തിരിച്ചുപോയെന്നാണോ
വിചാരം?

ഞങ്ങടെ മനസ്സുണ്ടല്ലോ
അത് നിങ്ങൾ കട്ടോണ്ട് പോയി
കൊണ്ടോയ്ക്കോ,
അത് നിങ്ങ എടുത്തോ.

മാതൃകയായ
കവിത,സാഹിത്യം

തണലും തീയും

ജീവിതം പൊരിവെയിലായിരുന്നു
നീയൊരു തണല്‍മരവും
നിന്നെയോര്‍ക്കുമ്പോഴിപ്പൊഴും
ഉള്ളിലാ ചിത്രം മാത്രം….

മോഹമെന്നില്‍ കൂടൊരുക്കുമ്പോള്‍
എന്നിലെന്നോട് ഞാൻ പറഞ്ഞത്
പച്ചയാണ്, തണലാണവള്‍, ഞാനോ
കാട്ടുതീ, അവള്‍ വെന്തുപോകും

നിന്നെവിട്ടകന്നു ഞാന്‍ പോകെ
കാത്തുകാത്തു നീ കാലം കഴിക്കവേ
ഉള്ളുവിങ്ങി നീയോര്‍ത്തിരിക്കാം
എന്തു നേടി ഞാന്‍, ജീവിതപ്പാതയില്‍

നീയൊരു മരം, ചുടലയാണ് ഞാന്‍
നീ തണല്‍, ഞാന്‍ അജവാഹനൻ
ഞാന്‍ പടുത്തതും  നീ വെടിഞ്ഞതും, ചാമ്പല്‍,
ഞാനതില്‍ മൂടി നീറി നീറി…

മാതൃകയായ